Cadw

Mae mwy na 600 o gestyll yng Nghymru, sy’n fwy fesul milltir sgwâr nag unrhyw le arall yn y byd.

Rydym wedi ymuno â Cadw, sy’n gofalu am rai o’r safleoedd hanesyddol arbennig yma yng Nghymru, i gynllunio 20 o deithiau cerdded. Rydym wedi cyfuno amser gwerth chweil ar y llwybr gyda’r cyfle i ddarganfod rhai o fannau hanesyddol enwocaf Cymru, ynghyd â rhai llai adnabyddus.

Teithiau cerdded

Bydd y teithiau cerdded yn eich tywys chi at amryw safleoedd hanesyddol Cadw ar hyd y llwybr ac yn rhoi blas i chi o’u hanes diddorol. Mae rhai o’n teithiau cerdded yn hirach fel y gallwch chi fwynhau mwy o’r hyn sydd gan yr ardal i’w gynnig. Mae hefyd awgrymiadau ar gyfer lleoedd i ymweld â nhw a lleoedd da i fwyta ar hyd y ffordd.

Mae mapiau’r llwybrau a ddarperir yn rhoi syniad bras o ble rydych chi’n mynd. Maen nhw’n ffeiliau (jpeg) y gallwch eu lawrlwytho a’u cadw ar eich dyfais symudol, sy’n ddelfrydol ar gyfer awgrymu’r lle nesaf i’w archwilio gyda’ch teulu a’ch ffrindiau.

Cynllunio eich ymweliad

Edrychwch ar ein tudalen Cynllunio’ch Ymweliad lle mae map rhyngweithiol i chi gael archwilio’r llwybr. Rydym bob amser yn argymell mynd â map Ordnance Survey a gwisgo dillad addas ar gyfer y tywydd a’r lleoliad pan fyddwch yn ymweld â’r llwybr.

Mae Llywodraeth Cymru wedi creu map toiledau cenedlaethol ar gyfer Cymru sy’n dangos lleoliad toiledau cyhoeddus – nid ni sy’n gyfrifol am y data hwn ac rydym yn argymell chwilio am ragor o wybodaeth ar-lein ynglŷn ag oriau agor a chyfleusterau.

Cadw

Cadw yw gwasanaeth gwybodaeth hanesyddol Llywodraeth Cymru a’i rôl yw gofalu am safleoedd hanesyddol Cymru ac ysbrydoli cenedlaethau heddiw a rhai’r dyfodol.